عشر سنين بيبنى في طرق وكبارى وبيشترى سلاح عشر سنين الاقتصاد واقع وهو عمال يستورد أسلحة ويبنى قواعد عسكرية واحنا نقوله حرام عليك الحياة غاليه مش عارفين ناكل.
عشر سنين بيقولنا الأمن أهم من الأكل واحنا زعلانين ومضايقين
لكن الكيان الصهيونى بيقول دلوقتى إن السيسى خدع الأمريكان وكان بيطور الجيش بشكل غير مسبوق استعدادا لأى مواجهه.عشر سنين بيبنى طرق وكباري ربط البلد كلها ببعض لدرجة ان المسافة من سيناء الي القاهره بقت ٣٠٠ كيلو ربط شمال سيناء بجنوبها عن طريق أنفاق وكباري ربط شرق القناة بغربها ودى أول مرة تحصل من بعد حرب ٧٣..عشر سنين الاقتصاد كان بينهار وهو بينوع مصادر الأسلحة مرة من الصين ومرة من روسيا ومرة من فرنسا ومرة من المانيا ومرة من كوريا عشان لا يعتمد على أمريكا فقط..فهمنا معنى كلامه دلوقتى لما قال إن الأمن أهم من الأكل وخليكم فى ضهرى وانا مش هضيعكم اتاريه هو كان شايف اللى احنا مش شايفينو وعارف اللى بيترتب خلف الكواليس من العدو ومن بعض العملاء الحاقدين فى المنطقة..لما شفنا تهديدات ترامب اللي كلها فجور وتحدى وكان الرد المصرى فى منتهى الحسم..ألغى زيارتة لأمريكا ورفض دعوة ترامب وقال مافيش تهجير واللي عايز يجرب يقرب…الجيش بتاعك دلوقتى فى أعلى درجات الجاهزية والاستعداد والتطور وموجود في المناطق المحظورة فى سيناء غصب عن اسرائيل وأمريكا. والاف الجنود والمعدات موجودة في رفح ووراهم 112 مليون مصرى جاهزين..وواشنطن تتراجع وتقولك مش عايزين مواجهة معاكم ولو واجهنا مصر يبقى كده هنخسر اللى حققناه فى سوريا ولبنان وغزة وايران وكأنه لم يكن وهنفتح باب مواجهات جديدة
إسرائيل تبعت رسايل انها محافظة على معاهدة السلام وملتزمة بيها وتبعت طلب رسمى تستاذنك وتقولك قدملى تفسير انت ليه حاطط المعدات دى كلها فى سيناء؟؟ إسرائيل اللى دايرة نطح فى الكبير والصغير جاية عندك انت وواقفة تتكلم رسمي وبأدب عشان عارفة قدرك وعارفة وضعك العسكرى والسياسى كويس
وبتقولك لو سمحت انت خارج دائرة الحرب ليه حاطط المعدات دى كلها فى سيناء
فعلا الراجل ده أثبت انه رجل مخابرات ومش سهل ابدا..دى لحظة توحيد الصف خلف القيادة السياسية قد نختلف على بعض السياسات والقرارات لكن عمرنا ابدا ما هنختلف على الوطن اللى شايلنا كلنا ..معاك يا ريس فى الحرب والسلام معاك ياسيسى
